Limon hansı hallarda sağlamlıq üçün çox zərərlidir?

Limon bir sıra vacib elementlərlə zəngin olan ən sağlam meyvələrdən biridir, lakin hətta bu meyvənin də bəzi hallarda əks göstərişi ola bilər. Bu məşhur sitrus meyvəsi immunitet sistemini gücləndirir, virus və infeksiyalarla mübarizə aparmağa kömək edir. Xolesterol səviyyəsini aşağı salmağa kömək edən, yağları əridən və böyrək daşlarının qarşısını alan C vitamini ilə zəngindir. Bu meyvə bədən kütləsini azaltmağa kömək edir və anemiyanın qarşısını alır.

News24.az xəbər verir ki, bundan əlavə, limonda onkoloji xəstəliklərin inkişaf ehtimalını azaldan elementlər var və çox miqdarda lif olduğuna görə həzm sisteminin işinə müsbət təsir göstərir, lakin eyni zamanda bu meyvə orqanizmə zərər verə bilər.

Limon kifayət qədər "aqressiv" üzvi birləşmə olan və diş minasını aşındıra bilən limon turşusu ilə zəngindir. Bundan əlavə, bu meyvənin şirəsi əllərin dərisinə mənfi təsir edərək quruluğa səbəb olur.

Limon mədə xorası, qastrit və mədəaltı vəzinin iltihabı zamanı xüsusilə təhlükəlidir, ona görə də qeyd olunan xəstəliklərdən hətta birinin diaqnozu zamanı bu sitrus meyvəsinin istifadəsi qəti şəkildə əks göstərişdir.