-
- 15-03-2024, 15:08
- 183
Azərbaycanın Tehrandakı səfirliyi ilə bağlı YENİ XƏBƏR
Ötən ilin yanvarında baş verən silahlı hücumdan sonra bağlanan Azərbaycanın Tehrandakı səfirliyi tezliklə yenidən fəaliyyətə başlayacaq.
News24.az İRNA-ya istinadən xəbər verir ki, bu barədə İranın Azərbaycandakı səfiri Abbas Musəvi məlumat verib.
Səfir bildirib ki, hazırlıq işləri məqsədilə nümayəndə heyətinin Tehrana səfəri də gözlənilir.
Xatırladaq ki, 27 yanvar 2023-cü il tarixində Bakı vaxtı ilə səhər saat 8:30-da Azərbaycan Respublikasının İrandakı səfirliyinə silahlı hücum olub. Hücum edən şəxs avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı - Mahir İmanov və Vasif Tağıyev - hücumun qarşısını alarkən yaralanıb.
Qumral