Ginnesin Rekordlar Kitabına düşdü

Avstraliyalı meyvə-tərəvəz istehsalçısı Kosta tərəfindən ənənəvi olaraq yetişdirilən və 2023-cü il noyabrın 13-də toplanan qaragilə dünən Ginnesin Rekordlar Kitabı tərəfindən "ən ağır qaragilə" tituluna layiq görülüb.

News24.az xəbər verir ki, açıqlamada təqribən 20 böyük qaragilə topladıqları, lakin onlardan birinin rekord qırdığı ifadə edildi.

Ginnesin Rekordlar Kitabına düşən qaragilənin çəkisi 20,4 qramdır.

"Komanda dünya rekordu ilə tanınmaqdan həyəcanlansa da, keyfiyyət, dad Kosta vasitəsilə yeni sortların seçilməsində və inkişafında əsas prioritet olmaqda davam edir", - deyilib.

Ginnesin Rekordlar Kitabında yerini alan nəhəng qaragilənin təxminən 12 ayda yetişdirildiyi bildirilib.

Günel Məlikzadə