Paşinyanı təhqir edən blogerlər həbs edildi - Video

İrəvanda polis daha bir müxalifət fəalı, bloger, “İmnemnimi” platformasının aparıcısı Vazgen Saqatelyanı saxlayıb.

News24.az Axar.az-a istinadla xəbər verir ki, bununla bağlı erməni mediası məlumat yayıb.

Vazgen Saqatelyan Ermənistan Respublika Partiyasından olan keçmiş deputat Arman Saqatelyanın qardaşıdır.

Bildirilib ki, “İmnemnimi”nin digər aparıcısı Narek Samsonyan da bu gün saxlanılıb.

Ermənistan İstintaq Komitəsi bəyan edib ki, Samsonyan xuliqanlıq cinayət işi çərçivəsində saxlanılıb.

İlkin məlumata görə, həbsə səbəb Ermənistanın Baş naziri Nikol Paşinyanın ünvanına təhqirlər olub.

Qeyd edək ki, yerli hüquq müdafiəçiləri bunu siyasi repressiya adlandırıblar.