Ərdoğan bu tarixdə ABŞ-a gedir

Prezident Rəcəb Tayyib Ərdoğan mayın 9-da Amerika Birləşmiş Ştatlarına (ABŞ) gedir.

News24.az xəbər verir ki, sözügedən səfər Ərdoğanın Co Baydenin prezidentliyi dövründə ABŞ-a ilk rəsmi səfəridir.

İki lider ilk dəfə Oval Ofisdə görüşəcək.

Ərdoğan və Bayden sonuncu dəfə 2023-cü ilin iyulunda Vilnüsdə NATO Sammitində görüşmüşdülər.

Mayın 9-da Vaşinqtonda keçiriləcək görüşün gündəmində ikitərəfli əlaqələr, regional inkişaflar və ticarətin olacağı gözlənilir.

Ərdoğan-Bayden görüşünün gündəmində Türkiyənin F-16 tədarükü prosesi olacaq. F-16 satınalma prosesi cədvəli ilə yanaşı, F-35 layihəsi çərçivəsində Türkiyənin ödədiyi 1,4 milyard dolların kompensasiyası da müzakirə olunacaq.

Həmçinin, Türkiyənin İraq və Suriyanın şimalında terrorla mübarizəsi ikilinin gündəmində olacaq.

Günel Məlikzadə