-
- 28-03-2024, 13:28
- 199
Əskipara kəndinə getmək istəyən jurnalistlər belə saxlanıldı - VİDEO
Ermənistanda “Armenian Report”un jurnalisti Ani Xaçatryan polis tərəfindən saxlanılıb.
News24.az "Unikal"a istinadla xəbər verir ki, bu barədə media qurumu məlumat yayıb.
Qeyd olunub ki, jurnalist Doxadan olan digər 2 müxbirlə birgə Azərbaycana qaytarılmalı olan Tavuş vilayətinin Əskipara kəndinə gedərkən tutulublar.
Onlar polis bölməsində 6 saatlıq dindirilmədən sonra sərbəst buraxılıb. Lakin Əskiparaya keçmələrinə icazə verilməyib.
Qeyd edək ki, bundan bir neçə gün öncə "Döyüş Qardaşlığı" birliyinin 50-yə yaxın üzvü Əskiparaya gedərkən saxlanılıblar. Onlardan bəziləri qanunsuz silah gəzdirdiklərinə görə həbs edilib.