Qapıda bahar xəstəlikləri: Necə qorunaq?

Bahar fəsli bir çox insana sevinc bəxş etsə də, havaların isinməsi və təbiətin canlanması ilə birlikdə bəzi sağlamlıq problemlərini də gətirir. Dr. Barış Doğukan Işıkoğlu allergik reaksiyaların bu dövrdə ən çox rast gəlinən sağlamlıq problemlərindən biri olduğunu qeyd edib.

Xalq arasında 'saman qızdırması' olaraq bilinən allergik rinit, allergik konjonktivit və allergik astma kimi halların yazın gəlişi ilə artdığını vurğulayan Işıkoğlu, "Bu dövrdə ot, çiçək tozu, ağac tozlanması kimi allergenlərlə qarşılaşmaq qaçınılmaz ola bilər" deyib.

Həkim yaz allergiyasının asqırma hücumları, burun axması və ya tıxanması, göz və burunda yanma və ya qaşınma, dəridə qırmızı qabarlıqlar, nəfəs darlığı kimi əlamətlərlə özünü büruzə verdiyini bildirir. Işıkoğlu, tədbir olaraq alerjenlərdən mümkün olduğu qədər uzaq durmaq lazım olduğunu ifadə etdi. Dr. İşıqoğlu evlərin və vasitələrin yaxşı havalandırılmasını, allergenlərin çox olduğu yerlərdə maskalardan istifadə etməyi, lazım gəldikdə isə qapalı yerlərdə vaxt keçirməyi tövsiyə edib. Bundan əlavə, Işıkoğlu burun yuyulmasının və uyğun müalicələrin əhəmiyyətinə toxunub.

Mövsümi keçidlərin xüsusilə temperaturun sürətli dəyişdiyi dövrlərdə üst tənəffüs yolu infeksiyalarının artmasına səbəb ola biləcəyini ifadə edən Işıkoğlu, immun sistemini dəstəkləmək üçün C vitamini, kifayət qədər su qəbulunun və omeqa-3 qaynaqlarına çevrilmənin vacib olduğunu qeyd etdi. Baharın gətirdiyi maddələr mübadiləsi sürətindəki dəyişikliklər səbəbiylə bəzi insanların bahar yorğunluğu yaşaya biləcəyinə də diqqət çəkən Dr. Işıkoğlu qeyd edib ki, bu vəziyyətdə tərəvəz, meyvələrə əsaslanan pəhriz, kifayət qədər su qəbulu və stresslə mübarizə vacibdir.

Yaz aylarında mədə və bağırsaq xəstəliklərinin tezliyinin artdığını bildirən Dr. Işıkoğlu, az-az və tez-tez yemək yemək, bol maye içmək, yatmazdan əvvəl yemək yeməmək kimi ehtiyat tədbirlərinin görülməsi lazım olduğunu bildirib. Yaz dövründə rastlaşa biləcək sağlamlıq problemlərinə qarşı alına biləcək tədbirləri paylaşan Dr. Işıkoğlu şikayətlərin davam etməsi və ya ümumi dəyişikliklərlə nəzarət altına alına bilməməsi halında həkimə müraciət etməyin vacibliyini xatırladıb.

Günel Məlikzadə