Bu qidalar sidik yolları infeksiyasına səbəb olur

Təkrarlanan bakterial sidik yolları infeksiyalarına - sistit və pielonefritə meyilli insanlar şirin yemək və içkilərə meyl etməməlidirlər.

News24.az  xəbər verir ki, bunu Mamaginekologiya üzrə mütəxəssis Rajvinder Hasriya Daily Mail-ə açıqlamasında bildirib.

Qeyd olunur ki, sidik yollarının infeksiyaları yuxarı və aşağı sidik yollarının kliniki simptomatik infeksiyalarını (pielonefrit, sistit), kişi cinsiyyət orqanlarının və asimptomatik bakteriuriyanı (ABU) əhatə edən sindromdur. Bu şərtlərə gündəlik uroloji praktikada tez-tez rast gəlinir. 

Həkim izah etdi ki, bu cür infeksiyalara qarşı həssaslıq patogenin növündən və orqanizmin fərdi xüsusiyyətlərindən asılı olaraq dəyişir.

Mütəxəssisin fikrincə, sidik yolları infeksiyalarının təkrarlanmasının səbəblərindən biri də şirin qidalara - şokolad, xəmir və şəkər tərkibli içkilərə həddən artıq həvəs ola bilər. Fakt budur ki, orqanizm bu cür qidaların tərkibində olan şəkəri əzələ hüceyrələrinin fəaliyyətini artırmaq üçün istifadə etdiyi enerji forması olan qlükozaya çevirir. “Şirin” mühitdə Escherichia coli və Staphylococcus epidermidis kimi sidik yolları infeksiyalarının patogenləri də sürətlə çoxalır.

Mehriban Mirzəzadə