Ronaldo yeni rekorda imza atdı

İdmanSəudiyyə Ərəbistanının “Əl-Nəsr” klubunun hücumçusu Kriştiano Ronaldo daha bir rekorda imza atıb.

News24.az Yenisabah.az-a istinadla xəbər verir ki, onun rekordu ölkə çempionatının 14-cü turunda “Əl-Ohdud"la oyunda qeydə alınıb.

“Əl-Nəsr”in 3:1 hesabı ilə qalib gəldiyi oyunda komandanın qollarını Sadio Mane (2) və Kriştiano Ronaldo vurub. Portuqaliyalı hücumçu görüşdə fərqlənməklə unikal göstəriciyə imza atıb.

Ronaldo karyerasında 24 futbol təqvimi ilinin hər birində qol vuran ilk oyunçu adını qazanıb. Bu həm də 39 yaşlı hücumçunun 2025-ci ildə ilk qolu olub.