“Sənə insan da demək olmur, ay vicdansız…”
    • 2-04-2024, 20:53
    • 134

“Sənə insan da demək olmur, ay vicdansız…”

“Ay vicdansız, ay ürəyində Allah rəhmi olmayan məxluq, sənə insan da demək olmur”.

News24.az Yenicag.az-a istinadla xəbər verir ki, bu sözləri prodüser Tarix Əliyev (Tolik) Sumqayıtda atası tərəfindən dənizkənarında öldürülən körpə uşaqla bağlı sarsıntısını ifadə edərkən deyib.

O, mərhəmətdən, Allah sevgisindən uzaq olan belə insanların ən ağır cəzaya layiq olduqlarını bildirib:

“İnsanlar illərlə uşaq həsrəti ilə yaşayır. Ay vicdansız, ay ürəyində Allah rəhmi olmayan məxluq, sənə insan da demək olmur. O balaca körpə üçün burnunun ucu göynəyənlər var. Sən necə o uşağı aparıb dənizdə boğa bilərsən? Belə hadisələri görəndə deyirsən, kaş ölüm hökmü olaydı. Bu, mənim subyektiv fikrimdir. Narkotik satanlar, azyaşlı uşaqları zorlayanlar, şüurlu şəkildə insanları qətlə yetirənlərə ölüm hökmü verilməlidir. Çünki insanlarn qorxduğu bir şey olmalıdır ki, onu etməsinlər”.