Qarabağdan çıxan Rusiya hərbçiləri ilə bağlı YENİ XƏBƏR

Qarabağdan çıxarılan Rusiya sülhməramlı kontingenti ilə bağlı yeni xəbər var.

News24.az konkret.az-a istinadla xəbər verir ki, sözügedən hərbi kontingentə yeni tapşırıq verilib və onların Ukrayna cəbhəsinə göndəriləcəyi ehtimalı böyükdür.

Rusiyanın nüfuzlu pravda.ru saytı bununla bağlı aşağıdakıları yazıb:

“Əldə edilən məlumata görə, 2020-ci ilin payızından Dağlıq Qarabağda olan sülhməramlı kontingent bu həftədən etibarən geri çəkilməyə başlayıb. Kontingent 2 minə yaxın əsgərdən ibarət idi. Ağır texnikası olan hərbçilər dəmir yolu ilə Azərbaycan sərhədindən Dağıstana daşınır. Qərb mediası artıq onlarla kifayət qədər yeni BTR-82A zirehli transportyorlarının da daxil olduğu bu kontingentin tam qüvvə ilə Ukraynaya gedəcəyindən ehtiyat edir. Rusiyalı analitiklər artıq qeyd ediblər ki, bu, RF Silahlı Qüvvələri üçün yaxşı ehtiyat olacaq”.