"Biz onu insanlardan daha ağıllı olmaq üçün qururuq"

OpenAI süni intellekt şirkətinin baş direktoru Sam Altman Stanford müəllimi Ravi Belani ilə müsahibədə süni intellektə sahib olmaq istəyən sahibkarlara məsləhətlər verib.

News24.az xəbər verir ki, bundan əlavə, Altman süni intellekt vasitələri, süni ümumi intellektin imkanları və riskləri haqqında fikirlərini bölüşüb.

Stanford YouTube kanalında açıqlama verən Sem Altman, “İldə 500 milyon, 5 milyard və ya 50 milyard dollar xərcləməyimiz mənə əhəmiyyət vermir. Biz insanlardan daha ağıllı olacaq süni intellekt qururuq və buna dəyər" deyib.

Altman keçən mart ayında 2024-cü ildə ChatGPT üçün yeni dil modelini buraxacaqlarını açıqlayıb.

Bu bəyanatlar bəzi süni intellekt mütəxəssisləri tərəfindən GPT-5-in bu il gələ biləcəyi kimi şərh edilib.

Günel Məlikzadə