Ekspert: "TƏYYARƏDƏ ÖLƏNLƏR BAQAJIN QURBANI OLUB" - FOTO

Ötən gün Moskvanın Şeremetovo hava limanından Rusiyanın Murmansk şəhərinə uçmalı olan təyyarə qalxışdan təxminən 1 saat sonra elə həmin hava limanına təcili eniş edərkən yanıb. 

News24.az xarici mətbuata istinadən xəbər verir ki, yanğın nəticəsində təyyarədə olan 78 nəfərin 41-i vəfat edib. Faciə bağlı ötən gecədən səhərədək "Ostankino" qülləsinin işıqları söndürülüb. Hazırda  Murmansk vilayətində 3 günlük matəm elan olunub. 

Murmansk vilayətinin qubernatoru Andrey Çibis qəza zamanı həlak olanların yaxınlarına 1 milyon rubl təzminat ödəniləcəyini açıqlayıb. Rusiyanın Əmək və Əhalinin Sosial Müdafiəsi Nazirliyi isə hadisə zamanı ailə başçısı itərənlərə təqaüdün ayrılması ilə bağlı göstəriş verib. 

Faciə ölənlərin sayının çox olması ilə bağlı müxtəlif fikirlər irəli sürülür. Avisasiyada baş verən qəzalar üzrə ekspertlərdən biri 41 nəfərin ölməsinin sərnişinlərin qəza zamanı qaydaları pozmasını göstərib. O, ön sırada əyləşən sərnişinlərin yanan təyyarəni tərk etmək əvəzinə baqajlarını xilas etdiklərini bildirib.