GTA 6-nın buraxılış tarixi açıqlandı

Rockstar Games tərəfindən yayımlanan rəsmi promosyonda GTA 6-nın 2025-ci ildə çıxacağı bildirilib. Lakin dəqiq bir tarix açıqlanmayıb.

News24.az xəbər verir ki, Rockstar Games-in sahibi olan Take-Two Interactive-in baş direktoru Strauss Zelnick maraqla gözlənilən oyunla bağlı yeni açıqlama verib.

Açıqlamada, "GTA 6-nı 2025-ci ilin payızında təhvil verəcəyik, özümüzə kifayət qədər əminik" deyilir.

Oyunun planlaşdırılan buraxılış tarixi oktyabr və noyabr ayları arasında baş tutacaq.

Digər tərəfdən GTA 6-nın ilk olaraq PlayStation və Xbox konsolları üçün çıxacağı, kompüter versiyasının isə 1 illik gecikmə ilə oyunçularla görüşəcəyi qeyd edilib.

Onu da bildirək ki, GTA 6 PlayStation-dan 2024 və sonrakı illər üçün "Ən çox gözlənilən oyun" mükafatını alıb. Beləliklə, oyun hələ buraxılmamışdan əvvəl mükafatlar toplamağa başlayıb.

Günel Məlikzadə