Daha 2 dövlət Fələstini rəsmən tanıyacaq

Bu gün İrlandiya və İspaniya hökumətlərinin Fələstin dövlətini rəsmən tanımaq planlarını açıqlayacağı gözlənilir.

News24.az xəbər verir ki, İrlandiyanın üç hökumət lideri - baş nazir Simon Harris, baş nazirin müavini Maykl Martin və nazir Eamon Ryan bu səhər mətbuat konfransı keçirəcəklər.

Onlar daha əvvəl hökumətin may ayının sonuna kimi Fələstin dövlətini tanımaq üçün hərəkətə keçəcəyinə işarə etmişdilər.

Milli ictimai yayımçı RTE və Irish Times qərarın mətbuat konfransında elan ediləcəyini bildiriblər.

“The Guardian”ın əldə etdiyi məlumata görə, İspaniyanın baş naziri Pedro Sançes Fələstini rəsmi olaraq tanıyacaqları tarixi bu gün açıqlayacaq.

NORVEÇ DƏ FƏLƏSTİNİ TANIYACAQ

İrlandiya və İspaniya ilə yanaşı, Norveçin ictimai yayımı NRK də Skandinaviya ölkəsinin müstəqil Fələstin dövlətini tanıyan elan verəcəyini bildirib.

Aprel ayında Norveçin baş naziri Jonas Gahr Støre Oslonun açıqlama verməyə hazır olduğunu bildirmişdi.

İsraildən təhdid

Avropa Birliyinin üzvləri İrlandiya, İspaniya, Sloveniya və Malta son həftələrdə bölgədə daimi sülh üçün iki dövlətli həllin vacib olduğunu iddia edərək, tanınma elanı etməyi planlaşdırdıqlarını bəyan etdilər.

Çərşənbə axşamı İsrail Xarici İşlər Nazirliyi sosial media platformasındakı paylaşımında İrlandiyanı belə bir hərəkətə qarşı xəbərdar etdi və bunu atacağını söyləyib.

Günel Məlikzadə