"Cəhənnəm qapısı" sürətlə genişlənməyə davam edir

“Cəhənnəmə aparan qapı” kimi də tanınan Bataqayka krateri iqlim dəyişikliyi səbəbindən sürətlə genişlənməyə davam edir.

News24.az xəbər verir ki, Bataqayka krateri Sibirin Yakutiya bölgəsində yerləşən geoloji formasiyadır. 

Bu krater “permafrost” adlanan donmuş torpağın əriməsi nəticəsində əmələ gəlib. Temperatur və iqlim dəyişikliyi səbəbindən əbədi donun əriməsi nəticəsində krater formalaşmağa başlayıb.

Kraterin yaranması ilə ətrafdakı torpaq qatları çökməyə başlayıb və nəhəng bir çuxur əmələ gəlib. Yeraltı buz təbəqələrinin əriməsi nəticəsində krater daim genişlənir və dərinləşir.

Yeni araşdırmalar üzə çıxarıb ki, 200 akr eni və demək olar ki, 300 metr dərinlikdə olan çuxur dərinləşdikcə onun buraxdığı karbon qazları ildə 4000-5000 tona çatır.

Mütəxəssislər xəbərdarlıq edirlər ki, permafrost deqradasiyası o qədər sürətlə baş verir ki, tezliklə bütün qalan istixana qazlarını sızdıracaq.

Günel Məlikzadə