Zelenskini idarə edən odur – Sensasion iddia

Prezident Vladimir Zelenskinin öz ofisinin rəhbəri Andrey Yermakdan asılılığının artması ilə bağlı təşviş var.

 News24.az axar.az-a istinadən bildirir ki, bu barədə "Tayms "a yüksək rütbəli hökumət, hərbi, hüquq-mühafizə və diplomatik mənbələrdən məlumat verilib.

Bəziləri Yermakı "de-fakto dövlət başçısı" və ya "Ukraynanın vitse-prezidenti" adlandırırlar.

Hərbi rəsmilər Yermakı Ukrayna Silahlı Qüvvələrinin keçmiş baş komandanı Valeri Zalujnının prezidentlə görüşünə mane olmaqda və onun işdən çıxarılmasını təşkil etməkdə ittiham edirlər.

Zalujnı fevral ayında döyüşlərdə Zelenski ilə fikir ayrılığı, eləcə də onun əhali arasında artan populyarlığı fonunda işdən çıxarılıb. Mart ayında o, Ukraynanın Böyük Britaniyadakı səfiri təyin edilib.