Kişida Sakit okean ölkələrinin liderləri ilə görüşəcək

Yaponiyanın baş naziri Kişida Fumio Cənubi Koreya, Avstraliya və Yeni Zelandiya liderlərini ABŞ-da keçiriləcək NATO Sammiti çərçivəsində bir araya gətirəcək.

NHK dövlət televiziyasının məlumatına görə, Yaponiya Çinin Hind-Sakit okean regionunda artan nüfuzu fonunda “eyni düşüncəli ölkələr”lə əməkdaşlıq imkanlarını inkişaf etdirməyə çalışır.

News24.az xəbər verir ki, Yaponiya, Yeni Zelandiya, Cənubi Koreya və Avstraliya liderləri iyulun 9-11-də Vaşinqtonda keçiriləcək NATO Liderlər Sammitində iştirak etməyə hazırlaşırlar.

Baş nazir Kişida jurnalistlərə açıqlamasında Alyansa üzv olmayan “4 Hind-Sakit Okean ölkəsi (IP4)” kimi tanınan bu ölkələrin liderlərinin görüşəcəyi görüşü koordinasiya edəcəyini bildirib.

Kişida, "Yaponiya ilə NATO arasında əməkdaşlığı gücləndirmək və mövcud beynəlxalq vəziyyət qarşısında lazımi addımları atmaq istəyirik" dedi. 

Görüşün məqsədi Çinin artan nüfuzu, Rusiya-Ukrayna böhranı və Şimali Koreyanın raket təhdidləri qarşısında “status-kvonu qorumaq” mesajını verməkdir.

Günel Məlikzadə