Tarixi abidəyə qarşı vandalizm

Ötən gün Amsterdamın Rivierenbuurt məhəlləsindəki Anna Frank abidəsinin üzərinə kimliyi məlum olmayan şəxslər tərəfindən qırmızı boya ilə "Qəzza" sözü yazılıb.

News24.az "Ednews"-ə  istinadən xəbər verir ki, bələdiyyə sədri Femke Halsema rəsmi Instagram hesabındakı paylaşımında bunları deyib: “15 yaşında faşistlər tərəfindən vəhşicəsinə qətlə yetirilən bu gənc qız, ən çətin şəraitdə belə, hər gün bizə və şəhərimizə insanlıq və xeyirxahlığı xatırladır. "

"Bunu kim edibsə, ayıb olsun! Buna heç bir bəhanə gətirilə bilməz. Heç bir fələstinliyə qiymətli heykəlləri məhv etməklə köməklik göstərilə bilməz", - o deyib.

Amsterdam polisi Anna Frank heykəlinə qarşı vandalizm aktını araşdırır, lakin həbs olunan yoxdur. Polis sözçüsü ötən günü bildirib ki, polis günortadan sonra vandalizm barədə məlumat alıb. "Məmurlar heykəlin yanına gedib, qraffiti görüb və araşdırmalara başlayıblar. Bu araşdırma hələ ki, hər hansı həbsə səbəb olmayıb".