ABŞ prezidentlərinə edilən sui-qəsdlər: 4-ü öldü..

Keçmiş prezident Tramp Pensilvaniyada mitinqdə çıxış edərkən kürsüdə silahla hücuma məruz qalıb. 

News24.az xəbər verir ki, bu da öz növbəsində, prezidentlərə edilən hücum və sui-qəsd cəhdlərini xatırladıb.

Hücumda Tramp qulağından yaralanarkən, 20 yaşında olduğu deyilən hücumçu öldürülüb, mitinqdə olan 1 nəfər isə həyatını itirib.

ABŞ-da sui-qəsdə məruz qalmış prezidentlər

1. Keçmiş ABŞ prezidenti Avraam Linkoln 1865-ci il aprelin 14-də həyat yoldaşı Meri Todd Linkolnla Vaşinqtonda "Bizim Amerikalı qohumumuz" komediya tamaşasında iştirak edərkən qətlə yetirilib. Hücumdan bir gün sonra vəfat edən Linkoln öldürülən ilk ABŞ prezidenti olub.

Linkolnun ölüm səbəbi kimi qaradərililərin hüquqlarını dəstəkləməsi göstərilib.

2. ABŞ-da öldürülən ikinci prezident 2 iyul 1881-ci ildə Ceyms Qarfild olub. Qarfild vəzifəsinin 6-cı ayında silahla hücuma məruz qalıb.

3. Ölkədə üçüncü sui-qəsd 1901-ci il sentyabrın 6-da AİB-in 25-ci prezidenti Uilyam Makkinlidə olub. MCKinley Nyu Yorkda çıxışından sonra insanlarla əl sıxışarkən güllələnib.

4. ABŞ-da ölümlə nəticələnən sonuncu sui-qəsd isə 1963-cü ilin noyabrında ABŞ-ın 25-ci prezidenti Con Kennediyə qarşı edilib. Kennedi həyat yoldaşı Jaklin Kennedi ilə Dallasda olarkən ona silahla hücum edilib. Kennedi xəstəxanaya aparılıb və qısa müddət sonra dünyasını dəyişib.

SAĞ QALANLAR

2. ABŞ-ın keçmiş prezidenti Teodor Ruzvelt 1912-ci il oktyabrın 14-də ikinci dəfə namizəd olduğu seçki kampaniyası zamanı güllə hədəfinə çevrilib. Ruzvelt Milwaukeedəki mitinqdə sinəsindən vurulduğu bu hücumdan sağ çıxıb.

3. 5 sentyabr 1975-ci ildə sui-qəsdlərin hədəfi ABŞ-ın 38-ci prezidenti Cerald Ford idi. Ford elə həmin il bir neçə həftə ərzində iki sui-qəsd cəhdinə məruz qalsa da, o, onlardan xəsarət almadan xilas olub.

4. İlk sui-qəsd cəhdində hücumçunun silahı atəş açmadığı üçün Ford xilas olub və sentyabrın 22-də qadın təcavüzkar San-Fransiskoda bir otelin qarşısında qaçarkən güllə hədəfindən xilas olub.

5. ABŞ-ın 40-cı prezidenti Ronald Reyqan 1981-ci ilin martında paytaxt Vaşinqtonda çıxışından çıxaraq karvanına doğru gedərkən silahlı hücum nəticəsində yaralanıb.

Günel Məlikzadə