75 milyon illik sirr

Geoloji araşdırmalar nəticəsində Sinopun Ayancık rayonunda yerləşən İnaltı mağarasının "75 milyon illik gənc mağara" olduğu müəyyən edilib.

News24.az xəbər verir ki, Sinop Qubernatorluğunun paylaşdığı məlumata görə, əhəngdaşı-şist və qumdaşı təmasda inkişaf edən İnaltı mağarası üfüqi istiqamətdə uzanan fosil mağarasıdır.

Şərq və qərb istiqamətində böyük S formalı istiqamətdə uzanan mağaranın girişi və onun arxasındakı zal aydın qırıq üzərində formalaşmışdır. Buna görə də tavanın hündürlüyü 20 metrdən çox, eni isə 18 metrdir.

Giriş zalı uzunluğu 125 metr, tavanın hündürlüyü 6-22 metr, eni 7-13 metr olan səliqəli qalereyaya açılır. Geoloji araşdırmalar nəticəsində İnaltı mağarasının 75 milyon illik gənc mağara olduğu müəyyən edilib.

Qeyd edək ki, İnaltı mağarası Ayancık mahalına 36 km, Sinop mərkəzinə 94 km, İstanbula 620 km, Ankaraya 350 km, Kastamonuya 111 km məsafədədir.

Günel Məlikzadə