![Yeni qatlanan ekranlı “İphone”lar satışa çıxacaq](/uploads/posts/2024-07/1721811456_iphone-flip-opvouwbare-smartphone-pic_32ratio_1200x800-1200x800-54851-1.webp)
-
- Dünən, 22:13
- 72
Yeni qatlanan ekranlı “İphone”lar satışa çıxacaq
Apple 2026-cı ildə buraxıla bilən qapaqlı forma faktorunda qatlana bilən iPhone hazırlayır. Bu barədə “The Information” mənbələrə istinadən məlumat yayıb.
"Samsung Galaxy Z Flip" kimi cihazlara bənzəyəcək cihazın 2026-cı ilə qədər hazır olacağı gözlənilir. Yeni məhsul Android əməliyyat sistemi ilə işləyən bəzi flaqman smartfonlarda rast gəlinən dəyişkən aperturaya malik təkmilləşdirilmiş kamera ilə təchiz olunacaq.
32gun.az xarici KİV-ə istinadən xəbər verir ki, "Apple"nin qatlanan smartfona hansı adı verəcəyi məlum deyil. Hazırda şirkət daxilində cihazın yalnız kod adı açıqlanıb - V68.
"Apple"nin qatlana bilən telefonlar və planşetlər üzərində işləməsi ilə bağlı şayiələr ən azı 2018-ci ildən yayılıb. Şirkətin, ehtimal ki, Galaxy Z Flip və Z Fold formatlarında iki qatlana bilən iPhone prototipi hazırlayacağı ilə bağlı şayiələr var. Şirkət həmçinin 2025-ci ildə yeni iPhone 17 Slim və ya Ultra-nı təqdim etmək niyyətindədir ki, bu da digər Apple smartfonları ilə müqayisədə premium xüsusiyyətlərə, dizayna və nazik korpusa sahib olacaq.
"Apple"nin növbəti təqdimatı 2024-cü ilin sentyabrında baş tutacaq, burada iPhone 16 xəttini təqdim edəcəklər. Şayiələrə görə, yeni planşetlər və kompüterlər də oktyabr ayında elan ediləcək.