Yaponiya bu çamadanların istifadəsini məhdudlaşdırır

Yaponiyaya rekord sayda turist axın edir, motorlu çamadanlar populyarlaşdıqca bəziləri səlahiyyətlilərlə problem yaşayırlar.

News24.az xəbər verir ki, Yaponiyanın iki böyük hava limanı sərnişinlərə öz obyektlərində motorlu baqaj daşımağı qadağan edib.

Son illər turistlər arasında uşaq skuterlərinə bənzəyən, lakin litium-ion batareyaları ilə işləyən motorlu çamadanlar adi hala çevrilib. Paris Hilton, Shilpa Shetty kimi məşhurların da istifadə etdiyi çamadanlara tez-tez üstünlük verilir.

Yaponiya hazırda Asiyada məşhur olan elektrik çamadanları "yalnız lazımi təhlükəsizlik avadanlığı və sürücülük vəsiqəsi olan yollarda istifadə edilə bilən motorlu nəqliyyat vasitələri" kimi təsnif edir.

Qeyd edək ki, iyun ayında Yaponiyada təhsil alan 30 yaşlarında olan çinli qadın üç təkərli çamadanla səkidə dolaşdığına görə vəsiqəsiz maşın sürdüyü üçün prokurorluğa göndərilib.

Yaponiyanın yol hərəkəti qanunlarına görə, saatda 13 km-ə qədər sürətə çata bilən qadın çamadanı bəzi mopedlər kimi "motorlu velosiped" kimi təsnif edilir.

Günel Məlikzadə