![Azərbaycanda meymunçiçəyinə yoluxan var? - Rəsmi AÇIQLAMA](/uploads/posts/2024-08/66bdd771ac4ba66bdd771ac4bb172371748966bdd771ac4b866bdd771ac4b9.webp)
-
- 15-08-2024, 14:46
- 365
Azərbaycanda meymunçiçəyinə yoluxan var? - Rəsmi AÇIQLAMA
Ölkəmizdə meymunçiçəyi virusuna yoluxma hadisəsi qeydə alınmayıb.
Bu barədə News24.az-ın sorğusuna cavab olaraq Səhiyyə Nazirliyindən məlumat verilib.
Açıqlamada deyilir ki, ölkədə epidemioloji vəziyyət nəzarət altındadır.
Ümumdünya Səhiyyə Təşkilatı (ÜST) Afrika qitəsində yayılan meymunçiçəyi virusuna görə qlobal ictimai sağlamlıq üzrə fövqəladə vəziyyət elan edib. Konqo Demokratik Respublikasında başlayan və sürətlə qonşu ölkələrə yayılan bu yoluxucu xəstəlik ən azı 524 nəfərin ölümünə səbəb olub.
Hazırkı epidemiyanın virusun yeni bir variantı ilə əlaqəli olduğu üçün əvvəlkilərdən daha çox narahatlıq doğurduğu bildirilir. Mütəxəssislər bunun indiyə qədər gördükləri ən təhlükəli variant olduğunu deyir və yayılma sürəti və yüksək ölüm nisbətindən narahatlıqlarını ifadə edirlər.
Qlobal ictimai sağlamlıq üzrə fövqəladə vəziyyət 196 ölkə üçün qanuni olaraq məcburi olan Beynəlxalq Səhiyyə Qaydalarına əsasən ən yüksək xəbərdarlıq səviyyəsidir. Ümumdünya Səhiyyə Təşkilatının direktoru Tedros Adhanom Qebreyesus Afrika qitəsində və ondan kənarda daha da yayılma ehtimalının "çox narahatedici" olduğunu söyləyib.