İsraildən Livana hava hücumu - ÖLƏN VAR

İsrail ordusuna məxsus təyyarələr sərhəd xəttində yerləşən Ayta əş-Şaab qəsəbəsinə hücum edib.

News24.az xəbər verir ki, bu barədə Livanın rəsmi agentliyi NNA məlumat yayıb.

Livan Səhiyyə Nazirliyi hücumda 1 nəfərin öldüyünü, 1 nəfərin yaralandığını açıqlayıb.

Digər tərəfdən, İsraildən atılan raketlərin Livan tərəfində böyük yanğına səbəb olduğu bildirilib.

NNA-nın məlumatına görə, İsrailin qeyri-qanuni Metula yaşayış məntəqəsindən atılan raketlər səbəbindən Livanın Mercayun düzündə kənd təsərrüfatı sahəsində böyük yanğın baş verib.

Məryəm İlhamqızı