Livan Hizbullahı İsrailin dörd hədəfini vurdu

Hizbullah Livanın cənubundan İsrailin sərhəddəki hərbi hədəflərinə hücuma keçdiyini açıqlayıb.

News24.az xəbər verir ki, açıqlamada İsrailin işğalı altında olan Kafr Şubaa təpələrindəki Ramsa və əl-Smaki hərbi mövqelərinin idarə olunan raketlə vurulduğu bildirilib.

İsrail əsgərlərinin toplanma məntəqələri olan Hale Varde bölgəsi və Metula qəsəbəsinə də raketlərlə hücum edildiyi bildirilib.

Dünən Hizbullah da İsrail məntəqələrini hədəfə alıb.

Livanın rəsmi agentliyi NNA-nın xəbərinə görə, İsrail ordusu Deyr Mimas və Kfarkilla qəsəbələri arasındakı ərazini artilleriya atəşi ilə hədəfə alıb.

Digər tərəfdən, İsrail dövlət televiziyası KAN-ın xəbərində Livandan Avivim qəsəbəsinə iki idarə olunan raketin atıldığı və can itkisinin olmadığı, ancaq bəzi bölgələrdə yanğının başladığı bildirilib.

Xəbərdə Metula qəsəbəsinə 5 idarə olunan raketin atıldığı və raketlərin boş ərazilərə düşdüyü bildirilib.

Günel Məlikzadə