“Instagram”, “Google” və “Amazon” istifadəçiləri təhlükədədir

“Instagram”, “Google” və “Amazon”un istifadəçiləri dinləməsi ilə bağlı iddialar ciddi qalmaqala səbəb olub.

News24.az Publika.az-a istinadla verir ki, bununla bağlı “Cox Media Group”dan (CMG) təqdimat sənədləri sızıb.

Təqdimatda bildirilir ki, “CMG” daha konkret reklam hədəflənməsi üçün səs məlumatlarını dinləyir.

Bu məlumatlatdan sonra “Google” “CMG”ni proqramından çıxarıb. “Meta” isə onun istifadə şərtlərini pozub-pozmadığını yoxlamağa başlayıb. “Amazon” isə belə bir əməkdaşlıqda olmadığını və qaydaların pozulması halında lazımi addımları atacağını açıqlayıb.

“CMG”nin reklam strategiyalarında telefon dinləmə texnologiyalarından istifadə etməsi şəxsi məxfiliyin necə pozula biləcəyi ilə bağlı narahatlıq doğurur. Bu qalmaqal göstərir ki, istifadəçilərin rəqəmsal məxfiliyini qorumaq üçün daha sərt tədbirlər görülməlidir. Şirkətlərin bu cür təcrübələri necə idarə etməsi və nəzarət etməsi gələcək məxfilik siyasətlərinin formalaşdırılmasında mühüm rol oynayacaq.