Dünyanın ən soyuq yeri: Cəmi 30 nəfər yaşayır

Antarktidadakı Vostok Araşdırma Mərkəzi beynəlxalq səviyyədə tanınmır, lakin Avstraliyanın Antarktika ərazisi daxilində yerləşir. Rusiya tərəfindən idarə olunan bu mərkəz dünyanın ən soyuq yerləri sırasındadır.

News24.az xəbər verir ki, 21 iyul 1983-cü ildə Vostokda temperatur qeydə alınan ən aşağı temperatur -89,2°C olub. Sovet İttifaqı tərəfindən 1957-ci ildə Soyuq Müharibə illərində qurulan bu stansiya temperatur rekordlarını qıran məşhur Cənub Qütbündə yerləşir.

“Vostok” Yerin maqnitosferindəki dəyişiklikləri müşahidə edən mərkəz olmaqla yanaşı, aktinometriya, geofizika, tibbi tədqiqatlar və klimatologiya sahələrində də tədqiqatlar aparır.

Bu, təkcə dünyanın ən soyuq yeri deyil, həm də dünyanın ən günəşli yeri kimi tanınır. Dekabrda cəmi 22 saat günəş alır. Ən aşağı illik orta temperaturun ölçüldüyü meteoroloji stansiyadır.

Qeyd edək ki, stansiya Antarktika buz qalxanından 3488 metr yüksəklikdə yerləşir. Vostok stansiyası illik orta temperaturu ilə dünyanın ən soyuq aktiv meteoroloji stansiyası adını daşıyır.

Aprel-sentyabr aylarını əhatə edən soyuq mövsümdə temperatur orta hesabla -66°C, “isti” mövsümdə isə orta temperatur cəmi -44°C-dir. Havada rütubətin olmaması, güclü küləklər, hündürlüklə birlikdə oksigen səviyyəsinin azalması və təxminən 120 gün davam edən qütb gecəsi bu buzlu mühitin sərtliyinə səbəb olur.

Onu da bildirək ki, 2017-ci ildən Vostok Stansiyasında yay aylarında təxminən 30 nəfər yaşayır, qış mövsümündə isə əhalinin sayı 15 nəfərə enir.

Günel Məlikzadə