Asanlıqla qırılan dırnaqları bu üsullarla möhkəmləndirin

Dırnaqlarda qırılmalar dırnaq quruluşunda biotin çatışmazlığı, qeyri-kafi qidalanma, qan azlığı və ya dırnaqlarda kimyəvi tərkibli məhsulların tez-tez istifadəsi kimi bir çox səbəblərdən yarana bilər. Asanlıqla qırılan dırnaqları sağlam etmək və yenidən gücləndirmək üçün təbii üsullardan kömək ala bilərsiniz. 

News24.az dırnaqları gücləndirmək üçün hiylə olan təbii üsulları təqdim edir:

Zeytun yağı: Zeytun yağı tərkibindəki təbii yağ turşuları ilə dırnaqları gücləndirir və dırnaqların qırılmasının qarşısını alır. Dırnaqların qırılmasının qarşısını almaq üçün dırnaqlarınıza zeytun yağı çəkib pambıqla masaj edə bilərsiniz. Və ya dırnaqlarınızı zeytun yağı ilə dolu bir qabda bir neçə dəqiqə saxlayıb əllərinizi yaxalaya bilərsiniz.

Avokado: Avokado həm yağ şəklində, həm də meyvənin özü kimi istifadə edilə bilər və bu yolla qırılan dırnaqlardan xilas ola bilərsiniz. Dırnaqların parçalanmasını aradan qaldırmaq üçün avokadonu əzin və az miqdarda zeytun yağı ilə qarışdırın. Yaranan qarışığı masaj edərək dırnaqlarınıza çəkin.

Bu tətbiqi gecə yatmazdan əvvəl edin və bütün gecəni dırnaqlarınızda saxlayın. Səhər əllərinizi yaxalaya və həftədə bir dəfə bu prosesi təkrarlaya bilərsiniz.

Kokos yağı: Kokos yağı sağlam quruluşu ilə dırnaqları gücləndirməyə kömək edir. Pambıqdan istifadə edərək dırnaqlarınıza kokos yağı çəkin. Dırnaq qırılması yox olana qədər bu üsulu gündə iki dəfə istifadə edin.

Çay ağacı yağı: Təbii antiseptik olan çay ağacı yağı dırnaqlardakı mikrobları öldürür və dırnaq quruluşunu gücləndirir. Az miqdarda çay ağacı yağı və E vitamini yağını qarışdırıb dırnaqlarınıza masaj edin. 30 dəqiqə gözlədikdən sonra qarışığı əlinizdən təmizləyə bilərsiniz. Dırnaqlarınız yaxşılaşana qədər bu prosesi mütəmadi olaraq təkrarlaya bilərsiniz.