Ev təmizliyində edilən səhvlər - bilmədən çirkləndiririk

Ev təmizliyi zamanı bir çox insan tərəfindən edilən bəzi səhvlər olur. Bu səhvlər evin tam təmizlənməsinə mane olur.

News24.az xəbər verir ki, ev təmizliyində edilən bəzi səhvlər və təmizliyi tamamlamaq üçün hiylələr bunlardır:

Günəşli günlərdə pəncərələrin təmizlənməsi: Günəşli günlərdə evlərimizin və xüsusilə çölə baxan pəncərələrin şüşələrini təmizləməyə çalışmaq səhvdir. Günəşin təsiri altında şüşə konstruksiyada qalan su quruyaraq ləkələrə çevriləcək. 

Günəş birbaşa şüşəyə dəymədikdə daha təsirli təmizlik edə bilərsiniz. Pəncərələrin təmizlənməsi üçün səhər və axşamlar daha uyğun olur.

Qab süngərlərindən istifadə: Əgər qab süngərlərindən istifadə etdikdən sonra bir dəfə yuyub aldığınız yerdə qoyursunuzsa, o zaman bilməlisiniz ki, süngəriniz təmiz deyil. Qab süngərlərinin tərkibində milyonlarla bakteriya ola bilər. Bu səbəblə qabyuyan maşında vaxtaşırı yuyulmalı və tez-tez yenilənməlidir. Əks halda qab süngərindəki bakteriyalar təmizlədiyiniz hər səthə yayıla bilər.

Xalçadan mayelərin təmizlənməsi: Xalçaların üzərinə tökülən qəhvə, çay, meyvə suyu kimi mayeləri təmizləyərkən ləkələr görünməyəndə təmizləməyi dayandırırsınız. Xalçanın üzərinə maye töküldükdə, burada quruyur və sonra yenidən üzə çıxa bilər. Bu səbəbdən xalçanı təmizləyərkən tökülən yerə tez dəsmal qoymaq və onun mümkün qədər çox maye qəbul etməsini təmin etmək lazımdır. Sonra xalçanın üzərinə buzlu su töküb, qalan mayenin qurumasının qarşısını almaq və bu şəkildə təmizləmək lazımdır.

Tualet fırçalarından istifadə edərkən diqqətli olun: Tualeti təmizləyərkən istifadə etdiyiniz tualet fırçalarını fırça ilə işiniz bitdikdən sonra qutusuna qoyarsanız, burada başqa bir səhv var. Tualet fırçasında qalan nəm rütubətə və kif əmələ gəlməsinə səbəb ola bilər. Buna görə də, tualet fırçalarını yerinə qoymazdan əvvəl onları dezinfeksiya etməli və qurutmalısınız.

Məryəm İlhamqızı