"Son 20 ildə ilk dəfədir iyun ayında belə yüksək temperatur qeydə alınıb" - Nazir

"Azərbaycanda dünən və bu gün çox isti olub. Ötən gün havanın temperaturu 37 dərəcəyə çatıb, bu da iyun ayı üçün rekord göstəricidir".

Bu sözləri Ekologiya və Təbii Sərvətlər naziri Muxtar Babayev BMT-nin Dövlət xidmətləri forumu çərçivəsində keçirilən seminarda çıxışında deyib.

News24.az xəbər verir ki, nazirin son 20 ildə ilk dəfədir ki, iyun ayında belə yüksək temperatur qeydə alındığını bildirib: "Hesab edirik ki, bu, iqlim dəyişikliyinin təzahürüdür. Son 30 il ərzində Azərbaycanda orta temperatur göstəricisi 1.4 dəfə artıb. Hesab edirəm ki, bu, çox dramatik artımdır. Bunun da iqtisadiyyatın digər sahərinə təsiri çox yüksəkdir".