Google-dan şok qərar: Bu funksiya işləməyəcək

2014-cü ilin sentyabr ayından etibarən fəaliyyət göstərən sayt bağlantısı axtarış qutusu veb-səhifədəki məzmuna birbaşa Google nəticələri səhifəsindən daxil olmağı asanlaşdırdı.

News24.az xəbər verir ki, bu axtarış qutusu şəxs müəyyən bir ünvandan məlumat axtarmaq istədikdə ortaya çıxırdı.

Məsələn, axtarış qutusuna Youtube yazanda, nəticələrdə YouTube-un altında Google vasitəsilə yalnız bu saytda axtarış aparmağa imkan verən bir qutu görünürdü.

Google bu funksiyanın 21 noyabr 2024-cü il tarixindən etibarən silinəcəyini açıqlayıb. Bu qərarın qlobal xarakter daşıdığı və bütün dillərdə qüvvədə olacağı vurğulanıb.

Google bu funksiyanın aradan qaldırılmasının səbəbini istifadənin azalması ilə izah edib.

Məryəm İlhamqızı