"Apple" qatlana bilən "iPhone" buraxmağı düşünür

Orijinal “iPhone” tezliklə 20 illik yubileyini qeyd edəcək. Bir çox istifadəçi son illərdə meydana çıxan dəyişikliklərin inqilabdan daha çox təkamül xarakterli olduğuna inanır. 

News24.az Lent.az-a istinadla xəbər verir ki, nüfuzlu insayder Mark Qurman şirkətin daxili memosuna giriş əldə edib. 

O, üç əməkdaşın vitse-prezidentlər səviyyəsinə yüksəldilməsi, eləcə də “Apple” şirkətinin aparat departamentinin rəhbəri Con Ternusun həmkarlarına müraciəti barədə məlumat alıb. Mesajında o, “iPhone”ların gələcək nəslinin məhsulun tarixində "ən iddialı” smartfon olacağını bildirib.

Şayiələrə görə, “Apple” hazırda iki tamamilə yeni “iPhone” hazırlayır. Birincisi, “iPhone 17 Air”, “iPhone X”dən bəri ən böyük dizayna malik "super nazik" telefondur. Onun 2025-ci ildə satışa çıxarılacağı və Plus modelini əvəz edəcəyi gözlənilir.

İkincisi qatlana bilən “iPhone”dur . O, “Samsung Galaxy Z Flip2ə bənzəyəcək, yəni qapaq şəklində olacaq. “Apple” hesab edir ki, “Galaxy Fold”da istifadə olunan “kitab” forma faktorundan daha praktik və istifadəçi dostudur. Amma çox güman ki, bunu 2026-cı ildən əvvəl gözləmək lazım deyil.

Bundan əlavə, “Apple” şirkəti “Apple Intelligence”in kəşfiyyat imkanlarını təqdim etməyə hazırlaşır. Şirkət vurğulayır ki, “Apple Intelligence”də məxfilik mühafizəsi quraşdırılacaq və məlumatlar cihazın özündə emal olunacaq.