3 bələdiyyəyə yeni təyinat - Türkiyədə nə baş verir

Türkiyədə Mardin Böyükşəhər, Batman və Halfeti bələdiyyə başçıları t*rror istintaqı çərçivəsində vəzifələrindən uzaqlaşdırılıb.

Türkiyə Daxili İşlər Nazirliyi Mardin böyük şəhəri, Batman və Halfeti bələdiyyələrinə yeni təyinatların edildiyini açıqlayıb.

News24.az TRT-yə istinadən xəbər verir ki, Ankara 22-ci Ağır Cəza Məhkəməsinin 2021/6 saylı Kobani İşi çərçivəsində Mardin Böyükşəhər Bələdiyyəsinin sədri Ahmed Türk silahlı t*rror təşkilatına üzv olmaq və t*rror təşkilatının təbliğatına görə 10 il həbs cəzasına məhkum edilib. Türkün yerinə 5393 saylı Bələdiyyə Qanununun 45 və 46-cı maddələrinə əsasən Mardin valisi Tuncay Akkoyunun Mardin Böyükşəhər Bələdiyyəsinin sədr müavini vəzifəsinə təyin edildiyi bildirilib.

Batman Bələdiyyə Başçısı Gülistan Sönük, Batman 2-ci Ağır Cəza Məhkəməsinin 2023/70 saylı iş materialları çərçivəsində silahlı t*rror təşkilatına üzv olmaq cinayətinə görə 6 il 3 ay həbs cəzasına məhkum edilib. Ehtiyat tədbiri olaraq vəzifədən uzaqlaşdırıldığı bildirilir. 5393 saylı Bələdiyyə Qanununun 45 və 46-cı maddələrinə əsasən, Sönük yerinə Batman valisi Əkrəm Canalpın Batman bələdiyyə sədrinin müavini təyin edildiyi bildirilib.

Şanlıurfa Halfeti Bələdiyyə Başçısı Mehmet Karayılan, Qaziantep 2-ci Ağır Cəza Məhkəməsinin 2020/136 saylı faylı çərçivəsində silahlı t*rror təşkilatına üzv olmaq cinayətinə görə 6 il 3 ay 15 gün həbs cəzasına məhkum edilib və müvəqqəti tədbir olaraq vəzifəsindən uzaqlaşdırılıb. Şanlıurfa Qubernatorluğu tərəfindən Halfeti Rayon İcra Hakimiyyətinin başçısı Hakan Başoğlu Halfeti Bələdiyyə sədrinin müavini təyin edilib.

Günel Məlikzadə