Ayxan Abbasov: “Şübhəli epizod idi”

"Son dəqiqələrdə qol buraxdıq. Üzücü məğlubiyyət oldu”.

News24.az xəbər verir ki, bunu Misli Premyer Liqasının III turundan təxirə salınan “Şamaxı” – “Qarabağ” oyunundan sonra keçirilən mətbuat konfransında meydan sahiblərinin baş məşqçisi Ayxan Abbasov deyib.

O, qarşılaşma haqda fikirlərini açıqlayıb: “Komandamız xarakter göstərdi. Futbolçularımız vuruşdular. İmkanlardan yaxşı istifadə etsəydik, bu matçda xal qazana bilərdik. Hesaba alınmayan qolumuzda ofsayd xətti müəmmalı idi. Şübhəli epizod idi. Məncə, orda ofsayd yox idi. Qış fasiləsi öncəsi komandaların hamısı yorğundur. Futbolçularıma inanıram. "Qarabağ"dan üç gün sonra "Sabah"a qarşı oynamaq çətindir”.

Qeyd edək ki, “Şamaxı” 90+4-cü dəqiqədə buraxılan qolla 0:1 hesablı məğlubiyyət alıb.