Dünyanın ən VARLI ölkəsi, amma hamı kasıbdır

Siyasi qeyri-sabitliyi ilə seçilən Afrika ölkələrindən biri, dünyanın ən qiymətli faydalı qazıntı yataqlarına malik olmasına baxmayaraq, dünyanın ən kasıb ölkəsidir.

Mərkəzi Afrikada yerləşən Konqo Demokratik Respublikasında (KDR) batareyalarda istifadə edilən kobalt, elektron cihazlar üçün lazım olan koltan, almaz və qızıl kimi dünyanın ən qiymətli mineralları var. Lakin bu zənginliyə baxmayaraq, Konqo iqtisadi göstəricilər nəzərə alındıqda dünyanın ən kasıb ölkələri sırasındadır.

News24.az xəbər verir ki, Konqoda adambaşına düşən ÜDM 627,50 dollardır. Bu o deməkdir ki, ölkədə orta hesabla bir vətəndaş gündə cəmi 1,72 dollar qazanır. Lakin Konqo öz resurslarını səmərəli şəkildə çıxara bilsəydi, ölkə təxminən 24 trilyon dollar gəlir əldə edə bilərdi.

Bu pullar Konqo iqtisadiyyatında dövriyyədə olsaydı, ölkə dünyanın ən zəngin ölkələrindən biri olardı. Lakin bir çox amillər camaatın bu sərvətdən faydalanmasına mane olur.

Qeyd edək ki, 1960-cı ildə Belçikadan müstəqillik qazanan Konqo, müstəmləkə dövründə böyük istismara məruz qalıb. Müstəqillikdən sonra iqtisadiyyat çöküb. Ölkə ABŞ və Sovet İttifaqı arasında döyüş meydanına çevrilən “Konqo böhranı” adlı xaotik bir prosesə sürüklənib.

Siyasi qeyri-sabitlik və böhranlar ölkəyə həqiqətən qlobal sərmayələri cəlb etməyə mane olub.

Günel Məlikzadə