"Azərbaycanda hələ də Aşura günü ənənəsi yaşadılır" Allahşükür Paşazadə - VİDEO
    • 10-09-2019, 12:15
    • 698

"Azərbaycanda hələ də Aşura günü ənənəsi yaşadılır" Allahşükür Paşazadə - VİDEO

"İllər keçməsinə baxmayaraq, Azərbaycanda hələ də Aşura günü ənənəsi yaşadılır. Ancaq zəncirvurma, başyarma, qançıxarma məsələləri halları bəyənilmirdi"

News24.az xəbər verir ki, bunu jurnalistlərə açıqlamasında Qafqaz Müsəlmanları İdarəsinin sədri Şeyxülislam Allahşükür Paşazadə deyib.

Şeyxülislam bildirib ki, buna görə qərara gəlindi ki, bunların əvəzinə qanvermə aksiyası keçirilsin: "Qanvermə aksiyasında öz qanımızı verməklə xəstə insanlara kömək edirik. Bu, şəriətin və dinin istəyidir".

Şeyxülislam qeyd edib ki, hazırda Azırbaycanın bir çox məscidlərində də qanvermə aksiyası keçirilir:

"Sevindirici haldır ki, Azərbaycandan sonra qonşu ölkə olan İran və Türkiyədə də bu ənənə geniş vüsət alıb. Hesab edirəm ki, bu savablı işdir. Vətən uğrunda şəhid olan bütün şəhidlərimizə də baş sağlığı diləyirəm".

Afaq Mirayiq

Foto-Video: Fərid Şabanov