Samira "Sevdiyim"lə geri döndü - VİDEO
    • 13-09-2019, 11:08
    • 2 233

Samira "Sevdiyim"lə geri döndü - VİDEO

Müğənni Samira AliMaryam yeni mahnısına çəkilən klipi təqdim edib.

News24.az xəbər verir ki, “Sevdiyim” adlanan mahnının musiqisi Muxtar Abseynova, sözləri isə Cavid Əhmədova məxsusdur. Ekran işinin rejissorluğunu isə Nail Naiboğlu edib. Çəkilişlərin bir hissəsi Şıxov çimərliyində, digər hissəsi isə studiya şəraitində tamamlanıb. Sənətçi bildirib ki, sonuncu klipini 5 il bundan əvvəl çəkib:

“Axırıncı işim “Çağırış” mahnısına çəkilin video olub. Hansı ki, Olimpiya oyunları ərəfəsində idmançılara həsr etmişdim. O vaxtdan bu günə kimi klip olaraq heç bir iş görməmişdim. Nəhayət ki… Muxtar mənə bir neçə dənə mahnı təqdim etdi. Onların içində bu melodiya mənə daha yaxın olduğu üçün, seçimimi “Sevdiyim” mahnısından etdim”.

Sənətçi rejissorun işini də yüksək dəyərləndirib:

“Klip sırf mənim istədiyim üslubda, xarakterimə uyğun çəkilib. Çünki, ekran işini mən məhz belə görürdüm. Elə işə başlamazdan əvvəl də Nail ilə bu haqda  danışmışdım”.