Vilayət Eyvazov TAPŞIRIQLAR VERDİ
    • 16-09-2019, 18:50
    • 838

Vilayət Eyvazov TAPŞIRIQLAR VERDİ

“Bəzi ərazi orqanlarında müəyyən nöqsan və çatışmazlıqlar mövcuddur”.

News24.az xəbər verir ki, bunu Daxili İşlər naziri, general-polkovnik Vilayət Eyvazov Daxili Işlər Nazirliyində “Mülkiyyət əleyhinə olan cinayətlərin və qeyri-aşkar şəraitdə baş vermiş xırda talamaların qarşısının alınması və açılması”nın, həmçinin “Polis sahə rəisləri və inspektorları tərəfindən inzibati qanunvericiliyin tətbiqi sahəsində görülmüş işlər”in vəziyyətinə və qarşıda duran vəzifələrə həsr olunan Kollegiya iclasında çıxışı zamanı deyib.
Nazir bu nöqsanların aradan qaldırılması üçün adekvat tədbirlərin görülməsini tələb edib.

İlk növbədə bu ilin ötən dövründə bir tona yaxın narkotik vasitənin qanunsuz dövriyyədən çıxarıldığını bildirən V.Eyvazov bu sahədə fəaliyyətin nəticələrinin tam qənaətbəxş olmadığını, narkotik maddələr əleyhinə təbliğatın gənclər arasında, təhsil müəssisələrində, kütləvi informasiya vasitələrində və sosial şəbəkələrdə gücləndirilməsinin vacibliyi, xüsusən cinayətkar qruplaşmaların yeni metodlardan - internet informasiya resurslarından istifadə etməklə narkotiklərin satışını həyata keçirmək cəhdlərinin qarşısının alınması üzrə icrası zəruri olan tədbirlər barədə konkret tapşırıqlar verib.