"Metroda eskalator ona görə qəfil dayanıb ki...." BƏXTİYAR MƏMMƏDOV -YENİLƏNDİ

“28 may” metrostansiyasında eskalatorun qəfil dayanması ümumi gərginliyin düşməsi ilə bağlı olub”.

Bunu News24.az- a “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov bildirib. Onun sözlərinə görə, metropoliten xətlərinə gələn elektrik enerjisi verilişlində düşmə olub: “Bir dəqiqədən sonra eskalator bərpa olunub. Güclü xəsarət alan yoxdur, böyük problem də yaşanmayıb”.

***10.23
“28 may” metrostansiyasında insanlar həyəcan yaşayıb. 

News24.az xəbər verir eskalator qəfildən dayanıb.

İnsanlar yıxılaraq xəsarət alıblar. News24.az-ın əməkdaşının şahidi olduğu olay 09:30 radələrində baş verib. Metroda ilk olaraq işıqlar sönüb, daha sonra eskalatorun hərəkəti dayanıb. Məsələ ilə bağlı “Bakı Metropoliteni” QSC –nin mətbuat xidmətinin rəhbəri Bəxtiyar Məmmədovla əlaqə saxladıq. O hadisənin baş vermə səbəbini aydınlaşdıracağını bildirib.  


Afaq Mirayiq