Daha bir aparıcı "Lider" TV-dən ayrıldı

"Lider" TV-nin "7 gün" verilişində aparıcılıq edən Arzu Həmzəyeva telekanalla yollarını ayırıb. 

Bu haqda aparıcının özü məlumat verib. Atasının vəfatından sonra ağır günlər keçirən aparıcı onun vəziyyətindən istifadə edənlərin olduğunu deyib: 

"Çoxları məndən soruşduğu üçün bu açıqlamanı etməyi özümə borc bildim. Bəlkə də çoxları bilmirdi, amma mən "Lider" TV-də yayımlanan "7 gün" verilişinin layihə rəhbəri idim. Artıq bu işbirliyi dayanıb. Çünki hər insan ağır gün yaşaya bilər. O günü də hazırda mən yaşayıram. Atamı itirdim və çoxları da bundan istifadə etdi. O insanlara aciz, cılız kimi baxıram. Bədbəxt insanlar düşünmədi ki, mənim üçün heç bir fərqi yoxdur. Başqa kanalda,  heç bilmədiyiniz Arzunu gözləyin. Sizi sevirəm".