Bakıda avtomobillərdə benzinin tez bitməsinin ƏSL SƏBƏBİ NƏDİR?

Son bir neçə gündür ki, ölkədə, əsasən də Bakıda avtomobil idarə edən sürücülər benzinin keyfiyyəti ilə bağlı tez-tez şikayətlər səsləndirirlər.

News24.az-ın məlumatına görə, əksər sürücülər maşına vurduqları benzinin tez bitməsindən şikayətçidir. Mütəxəssislər hesab edir ki, havaların soyuduğu ərəfədə nəqliyyat vasitələrinin yanacağının tez bitməsi müxtəlif səbəblərlə əlaqəli ola bilər. Belə ki, soyuq havada avtomobilin yanacaq sərfiyyatı artır. Həmçinin son günlərdə yağıntılı hava şəraiti Bakınnı demək olar ki, əksər hissələrində tıxaclara səbbə olub və bu da yanacağın daha tez bitməsinə gətirib çıxaran amillərdəndir.

Ekspertlər onu da bildirirlər ki, son vaxtlar ölkədə yanacağın keyifyətində müsbət irəliləyiş yoxdur və həm dizel, həm də 92 markalı benzinin keyfiyyəti çox aşağıdır.