"hədəfimiz bölgələrdə istifadə olunan suların nəzarətə götürülməsidir" - “Azərsu” ASC

"Son vaxtlar yağıntıların az olması ilə bağlı bir neçə rayonda su mənbələri ilə bağlı çətinlk olub, xüsusilə də yay aylarında".

News24.az xəbər verir ki, bunu Yeni Azərbaycan Partiyasının Mərkəzi Qərargahında keçirilən ənənəvi mətbuat konfrasında “Azərsu” ASC-nin sədri Qorxmaz Hüseynov bildirib. Onun sözlərinə görə, Prezident İlham Əliyevin Sərəncamı ilə həmin rayonlarda alternativ su mənbələrinin yaradımasına başlanılıb: "Gədəbəy və Lerikdə artıq bu işlər başa çatıb, Şəki, Şamaxı, Tovuz rayonlarında isə işlər gələn il başa çatacaq".

Regionlarda suyun keyfiyyəti məsələsinə toxunan Q.Hüseynov bildirib ki, strateji yol xəritəsinə uyğun olaraq regionlarda su kanal idarələri və regional laboratoriyalar yaradılıb:“İlkin mərhələrdə laboratoriyalı avadanlıqlar, kadrlar, maşın mexanizmləri ilə təmin etmişik ki, “Azərsu”nun balansında olan bütün su infrastrukturunun nəzarətdə saxlanması təmin olunsun. Gələcəkdə hədəfimiz isə bütün bölglərədə vətəndaşların istifadə etdiyi suların nəzarətə götürülməsidir".

Afaq Mirayiq