Elmar Məmmədyarov Ermənistanla aparılan danışıqlar barədə: "İrəliləyiş yalnız sözdə olub"

Azərbaycanın xarici işlər naziri Elmar Məmmədyarov Dağlıq Qarabağdakı münaqişənin həlli üçün Ermənistanla aparılan danışıqlarda irəliləyiş olduğunu qeyd edib.

News24.az xəbər verir ki, bu barədə "İnterfaks" məlumat yayıb. Bununla yanaşı, E.Məmmədyarovun sözlərinə görə, indiyə qədər irəliləyiş yalnız sözdə olub. Azərbaycan tərəfi isə daha konkret məsələləri müzakirə etmək istəyir. Azərbaycanın Ermənistanla danışıqlarda hansı konkret sualları müzakirə etmək istədiyi barədə məlumat verməyib.

“Ümid edirəm ki, dekabrın əvvəlində Ermənistan xarici işlər naziri ilə görüşdə bu məsələyə aydınlıq gətirəcəyik. Sonra Ermənistanın danışıqlara hazır olub-olmadığı aydın olacaq. Çünki sənədlər artıq masadadır" deyə Elmar Məmmədyarov qeyd edib.

E.Məmmədyarov bildirib ki, Ermənistanın Qarabağ nizamlanması siyasətini çox vaxt başa düşmür.