“Qarabağ” “Düdelanj”la bərabərə qaldı 3 milyon 870 min avro əldə etdi

Bu gün futbol üzrə Avropa Liqasında qrup mərhələsinə yekun vurulub.
News24.az xəbər verir ki, Azərbaycanın bu turnirdəki yeganə təmsilçisi “Qarabağ” da sonuncu matçına Lüksemburq təmsilçisi "Düdelanj"la qarşılaşıb.
Tofiq Bəhramov adına Respublika Stadionunda keçiriləcən qarşılaşmanın ilk hissəsi qolsuz başa çatıb. Oyunda hesab 63-cü dəqiqədə açıb. Əks hücum zamanı Sabir Buqrine topu Ağdam klubunun qapısından keçirib. Qurban Qurbanovun komandası məğlubiyyətdən yalnız son dəqiqədə xilas olub. Oyuna ikinci hissədə daxil olan Maqaye Geye 90+1-ci dəqiqədə komandasına bir xal qazandıran qolu vurub. Qarşılaşma 1:1 hesabıyla başa çatıb.
Bununla da "Qarabağ" qrup mərhələsini 6 xalla 3-cü pillədə başa vurub. Qrupun digər matçında isə APOEL "Sevilya"nı 1:0 hesabıyla məğlub edib.