YAP-a yeni üzvlər qəbul olundu

Yeni Azərbaycan Partiyasına yeni üzvlərin qəbulu münasibətilə Partiyanın Xətai rayon ərazi təşkilatının “Azəriqaz” İstehsalat Birliyi üzrə ərazi ilk partiya təşkilatının idarə heyətinin yığıncağı keçirilib.

Qurumdan News24.az-a verilən məlumata görə, yığıncaqda Birliyin rəhbərliyi, partiya fəalları, eləcə də bir neçə struktur bölmələrin məsul əməkdaşları iştirak ediblər. “Azəriqaz” İB-nin baş direktorunun satış və istismar üzrə müavini Cahid Hüseynov Yeni Azərbaycan Partiyasına üzvlüyə qəbul edilən 12 nəfəri təbrik edib.

Partiya sıralarında gənclərin yer almasını yüksək dəyərləndirən C.Hüseynov onlara uğurlar arzulayıb. Digər çıxış edənlər də partiyanın yeni üzvlərinin ümumi məqsədlər üçün səylə çalışacaqlarına inandıqlarını ifadə ediblər. Daha sonra Birliyin 12 nəfər əməkdaşına Yeni Azərbaycan Partiyasının üzvlük vəsiqələri təqdim olunub.