"Özümü lənətləyirəm" -Saakaşvili prezidentliyinin əsas səhvini açıqladı

Gürcüstanın sabiq prezidenti Mixail Saakaşvili, 2017-ci ildə Avropa ilə vizasız rejimin qurulmasını onun prezidentliyinin ən böyük səhvlərindən biri hesab etdiyini bildirib.

News24.az xarici KİV-ə istinadən xəbər verir ki, M.Saakaşvilinin sözlərinə görə, ilk dəfə Polşa və İsveçin keçmiş xarici işlər nazirləri ilə birlikdə Avropa Birliyinin Azərbaycan, Belarusiya, Ermənistan, Gürcüstan, Ukrayna və Moldovaya tətbiq olunan "Şərq Tərəfdaşlığı" proqramı ilə çıxış edən məhz o olub:"Biz vizasız rejim və Avropa ilə assosasiyanı ilk biz fikirləşmişik. Ancaq indi özümü lənətləyirəm, çünki vətəndaşlarımız Avropaya işləməyə gedir".

M.Saakaşvili bir neçə aydan sonra Gürcüstana qayıdacağını və vəziyyəti düzəltəcəyini vəd edib.