18 mühaciri boğulmaqdan qurtaran Sara həbs edildi

2015-ci ildə Yunanıstanın Midilli adasında 18 mühaciri boğulmaqdan xilas edən və Avropada "qəhrəman" elan olunan Sara Mardini həbs edilib.

Sara insan qaçaqmalçılığı, casusluq və terror təşkilatına üzv olmaqda günahlandırılır. 26 yaşlı qız avqustun 21-də həbs edilərək Yunanıstanın Karidallos həbsxanasına göndərilib. Sara istintaq yekunlaşana və məhkəmə qarşısına çıxarılanadək 18 ay həbsdə qalacaq. 

Xatırladaq ki, Sara və bacısı Yüsra Mardini 3 il əvvəl mühərriki işləməyən qayığı boğazlarına bağlayaraq sahilə çıxarmışdılar. İngilis rejissor Stefan Daldri bacılar haqda hətta film çəkməyə başlamışdı. Onlar daha sonra Almaniyaya köçmüşdülər. Yüsra BMT-nin Mühacirlərə yardım təşkilatının xoşniyyətli səfiri olmuş, 2016-cı ildə Rio Olimpiada yarışlarında iştirak etmişdi. Sara isə Almaniyada Bard Universitetində iqtisadiyyat və sosial elmlər üzrə pulsuz təhsil almaq imkanı qazanmışdı. 

//Qafqazinfo