Həkim qəzaya düşdü, ağır yaralandı

İsmayıllı rayonunda ağır yol-nəqliyyat hadisəsi baş verib.

News24.az xəbər verir ki, hadisə bu gün saat 10 radələrində Cülyan kəndinə gedən yolda qeydə alınıb. Qəza zamanı iki avtomobil toqquşub. Belə ki, “VAZ 21015” markalı avtomobil 99-NH-588 dövlət nömrə nişanlı digər maşınla toqquşub. Hadisə nəticəsində “VAZ”ın sürücüsü ağır xəsarət alıb. 

Qəzaya yol kənarında dayanan “Kamaz” markalı yük avtomobilindən çıxan qara tüstü səbəb olub. Sürücülər tüstü səbəbindən yolu görmədiklərini və bu səbəbdən hadisənin baş verdiyini deyiblər. Hadisə zamanı xəsarət alan Şirinov Roman Qəbələ şəhər xəstəxanasında həkim işləyir.