Koronavirusdan ölənlərin sayı ARTMAQDA DAVAM EDİR

Çin Dövlət Səhiyyə Komitəsinin məlumatına görə, yeni növ koronavirusun səbəb olduğu pnevmoniya xəstələrinin ümumi sayı 17205, ölənlərin sayı isə 361 nəfərə çatıb.

News24.az RİA-ya istinadən xəbər verir ki, hazırda 2296 nəfərin vəziyyəti ağırdır. 475 xəstə isə xəstəxanalardan evə buraxılıb.

Ötən gün ərzində 2829 yeni yoluxma müəyyən edilib. Çindən kənarda yoluxma hadisələrin sayı 148-ə çatıb.

Bundan əlavə, Çİndə 21558 xəstənin koronavirus daşıyıcısı olduğundan şübhə edilir. Xəstə ilə yaxın təmasda olan 152700 nəfər nəzarət altındadır.